Blaidd Drwg

Postiwyd ar 3 Gorffennaf 2005 gan dafydd

Dwi wedi cerdded fyny Parc y Gamlas ym Mae Caerdydd bob dydd gwaith ers blynyddoedd ar y ffordd i’r, wel, gwaith. Ddydd Gwener wnes i fentro ychydig ymhellach fyny’r parc i gael ychydig o luniau o graffiti enwog a roddwyd yno ar gyfer Dr. Who. (Mae yna ddamcaniaeth fod y graffiti yno’n barod a mai Bad Wolf yw tag rhywun o’r ardal, ond dwi ddim yn gwybod os yw hyn yn wir).

Fe roedd y lleoliad o gwmpas Sgwâr Loudoun yn eitha pwysig i’r bennod olaf. Ie, dwi’n gwybod fod hyn yn drist, ond mae’r lluniau gymerais i ar flickr.

Postiwyd yn Ffuglen wyddonol, Lluniau, Teledu | Sylwadau wedi eu Diffodd ar Blaidd Drwg

Fe ddaethant o’r blaned Mawrth…

Postiwyd ar 1 Gorffennaf 2005 gan dafydd

Fe ges i fy hudoli gan stori HG Wells – “War of the Worlds” yn eitha ifanc ac yn enwedig o wrando ar gampwaith cerddorol Jeff Wayne. Nawr wrth gwrs mae’r heip y ffilm newydd yn ei anterth. Does gen i ddim llawer o ysfa i weld y ffilm, ond mi fydd yn rhaid ei weld rhywbryd.

Mae gen i fwy o ddiddordeb mewn prynu’r set newydd o 6 CD a DVD yn cynnwys y recordiad gwreiddiol gyda llais arbennig Richard Burton.

Postiwyd yn Cerddoriaeth, Ffilm, Ffuglen wyddonol | Sylwadau wedi eu Diffodd ar Fe ddaethant o’r blaned Mawrth…

Nant Gwrtheyrn

Postiwyd ar 1 Gorffennaf 2005 gan dafydd

Fe roedd rhaglen Open Country ar Radio 4 yn ymweld a Nant Gwrtheyrn yr wythnos yma. Rhaglen ddiddorol iawn a wnes i ddysgu tipyn nad oeddwn i’m gwybod am y Nant, fel y ffaith fod BP eisiau prynu’r safle yn wreiddiol er mwyn storio bareli olew yno!

Postiwyd yn Iaith, Radio | Sylwadau wedi eu Diffodd ar Nant Gwrtheyrn

Nid 8 trac

Postiwyd ar 30 Mehefin 2005 gan dafydd

Rhywbeth bach arall o’r archif nawr – trac gan Nid Madagascar, un o fandiau cynnar David Wrench. Mae’r trac yma wedi ei recordio oddi ar y radio, felly does gen i ddim llawer o fanylion amdano. O’n i’n arfer chwarae hwn yn aml circa 92/93, ac yn hoff iawn o’r steil ganu deadpan i gymharu a’r gerddoriaeth ddyrchafol. Dwi ddim yn gwybod beth yw enw cywir y gân – wnes i ei gofnodi fel “Trac 8” ar y pryd ond o wrando eto, “Tragwydd” sy’n gwneud fwy o synnwyr. Sdim ots, dyma’r trac:

      Nid Madagascar - Tragwydd
[3.66MB]

Postiwyd yn Cerddoriaeth, MP3 | Sylwadau wedi eu Diffodd ar Nid 8 trac

Lluniau Clarice

Postiwyd ar 30 Mehefin 2005 gan dafydd

Mae ‘Clarice’ wedi dechrau blog newydd Cymraeg/Saesneg gyda lluniau hyfryd iawn. Rhywbeth gwerth cadw golwg arni (drwy RSS wrth gwrs).

Postiwyd yn Blogiau, Rhithfro | Sylwadau wedi eu Diffodd ar Lluniau Clarice