Newydd ddarllen stori am ddyn yn cynhyrchu fideos porn mewn ty ym Mae Caerdydd. Wel wel, mae hyn tua canllath o’r swyddfa.. pwy fase’n meddwl? Dwi ddim cweit yn adnabod y disgrifiad “quiet, affluent area” chwaith.
Ieithoedd Gmail
Tra’n edrych ar bigion Nic welais i’r llyfrnod yn cyfeirio at y ffaith fod Gmail newydd lansio gyda 12 iaith newydd, ond ddim y Gymraeg eto.
Wel, mae’r cyfieithiad Cymraeg wedi ei wneud a’i wirio ers rhai wythnosau ond does dim dal ar pryd fe fydd hynny yn ymddangos. Mae’n debyg fod y gwaith ar Gmail wedi sefydlogi a felly ni ddylai llinynnau arall i’w cyfieithu am nawr.
Falle fydd hi’n hir yn cyrraedd ond dwi’n credu fydd safon y cyfieithiad yn llawer uwch nac oedd cyfieithiad chwiliad Google ei hunan yn y dechrau.
Slac Yn Dynn
Un o’r rhaglenni oedd yn gwneud hi’n cŵl i wylio S4C yn nechrau’r 90au oedd y gyfres ddrama Slac Yn Dynn a gynhyrchwyd gan Lluniau Lliw; yr awdur oedd Geraint Lewis dwi’n credu a roedd Gareth Potter yn actio’r brif gymeriad. Er fod y gyfres wedi ei ail-ddangos dwi ddim yn cofio llawer amdani nawr heblaw y gerddoriaeth dros y deitlau, wedi ei chyfansoddi a’i ganu gan Potter.
Ychydig dros funud yw’r trac yma ond mae’n siwr o ddod a atgofion nôl..
Slac Yn Dynn
[1.49MB]
Postiwyd yn Cerddoriaeth, MP3, Teledu
2 Sylw
Trafod ffuglen wyddonol
Mae Nic wedi penderfynu gadael i aelodau o glwb cefnogwyr maes-e i greu cylchoedd trafod ei hunain o fewn y maes, sydd yn beth handi achos weithiau mae angen mas critigol defnyddwyr y maes i gychwyn diddordeb cyn iddo esgor ar wefannau trafod arall.
Mae’r cylch cyntaf wedi ei greu gan SerenSiwenna ar gyfer ffuglen wyddonol.
Postiwyd yn Cymraeg, Ffuglen wyddonol, Rhithfro
Sylwadau wedi eu Diffodd ar Trafod ffuglen wyddonol
Stafell Smygu
Dwi ddim yn smygu, felly o’n i ddim yn gwybod fod y fath beth a stafell smygu yn bodoli (dwi’n fwy cyfarwydd a ysmygwyr ar risiau dihangfa dân). Os oes yna rai o hyd, mi fyddan nhw wedi ei gwahardd cyn hir mae’n siwr.
Mae’r comedi gwych ‘The Smoking Room’ ar ei ail gyfres nawr ar BBC TRI a dyma gwis bach gwirion i weld pa gymeriad o’r rhaglen ydych chi’n debyca’ iddo. Robin, y sinig, oeddwn i.