Rhai blynyddoedd yn ôl fe wnaeth ffrind i mi gynllunio gwefan a creu CD a fideo ar gyfer brenin y carioci Ivor Beynon – sy’n perfformio yng nghlybiau De Cymru dan yr enw ‘Lord of Steel’. (Wnaethon nhw gwmpo mas yn ddiweddar a sdim rhyfedd – am fod Ivor yn dipyn o ‘gymeriad’).
Antur ddiweddara’ Ivor oedd ceisio mynd ar sioe deledu yr X Factor, lle roedd yn llwyddiant ysgubol. Gymaint o lwyddiant yn wir fel mai dim ond 10 eiliad ohono ddangoswyd ohono yn y brif raglen. Ond fe ymddangosodd mewn eitem hirach ar y rhaglen Xtra Factor lle mae’n esbonio ei athroniaeth i ni, gan ddechrau gyda tarddiad enw ei alter ego:
Well, Ivor Beynon is a Welsh.. it’s Welsh. And Ivor, in English, is Lord and Beynon is Steel. So Ivor Beynon in English is the Lord of Steel.
Wel dyna esboniad hollol glir ynde. Dyma glip o’r dyn ei hun ar y rhaglen. (7.5MB, WMV)
Gan Nic Dafis 14 Medi 2005 - 8:20 am
Oedd rhaid i mi droi fe off unwaith oedd y panel wrth eu “gwaith” – wnaeth e droi yn ddu?
Gan dafydd 14 Medi 2005 - 10:09 am
Do wir (wel ar ôl peintio’i wyneb ta beth) – roedd ganddo fwy o bersonoliaeth gyda’r masg ymlaen yn sicr.
Gan Blog Heb Enw 14 Medi 2005 - 1:22 pm
Dwi di gweld Ivor Beynon cwpwl o weithie yn TJ’s yng Nghasnewydd, ma fe’n wych o ran comedi ‘value’, fel ma un o’r sylwade ar y linc y BBC yn dweud ma fe’n ‘living the dream’. Chware teg, ma’n rhaid dweud ma Cymru’n llawn ecentric’s.