Eira cynnar

Postiwyd ar 3 Tachwedd 2005 gan dafydd

Wrth gerdded adre heno drwy Sgwâr Mount Stuart gwelais i eira ar y llawr. Roedd hi wedi bod yn bwrw glaw drwy’r dydd ond doedd hi ddim yn ddigon oer i fwrw eira. Ar ôl troi y cornel fe welais i’r stryd i gyd yn wyn a boi gyda peth tebyg i chwythwr dail yn gorchuddio’r stryd gyda eira ffug.

Dyw ffilmio ddim yn beth anghyffredin rownd fan hyn ond dyma’r tro cynta i fi gerdded i’w chanol hi. Er fod plismon yno’n atal ceir rhag pasio wnaeth neb fy stopio felly gerddes i ymlaen drwy’r eira. Roedd y stryd wedi’i addurno ar gyfer 19ed ganrif gyda bareli ar ochr y stryd a tân ynddynt, a trol yn llawn sachau. Roedd un actor i’w weld yno, mewn cot fawr ddu a het, ond welais i neb arall. Felly dwi ddim yn gwybod pwy oedd yn ffilmio.. dwi’n credu fod Dr Who wedi gorffen y bennod arbennig ar gyfer y Nadolig.

Chwythu eira
Golau llachar
Dyn mewn cot ddu

Postiwyd yn Bywyd, Lluniau | Sylwadau wedi eu Diffodd ar Eira cynnar

Chris Mics

Postiwyd ar 3 Tachwedd 2005 gan dafydd

Dwi’n mwynhau darllen a gwrando ar flog Chris Cope yn fawr iawn. Wrth ddal i fyny gyda rhai o’i negeseuon heno wnes i ystyried pa mor sampladwy yw ei ‘bostiau clywedol’, yn enwedig gyda’r newid sydyn o acen Cymraeg i saesneg Americanaidd.

Felly es i chwarae am ryw awr i greu trac bach syml munud o hyd. Dyma fe ‘te:

      Cymal 3 - CC1
[1.16MB]

Postiwyd yn Blogiau, MP3 | 6 Sylw

Mwy o sbam

Postiwyd ar 2 Tachwedd 2005 gan dafydd

Mae’n beth rhyfedd, ond dwi’n cael lot o sbam Cymraeg dyddie ‘ma. Ces i un heno i gyfeiriad yn y gwaith, cyfeiriad penodol sydd ddim yn ymddangos unrhyw le ar y rhyngrwyd felly ‘dwi ddim yn gwybod sut mae nhw wed cael gafael arno.

Dwi ddim yn gwybod pam dwi’n rhoi sylw i bobl sydd ddim yn gwybod am ddeddfau a chanllawiau marchnata ond dyna ni.

Llyfr newydd sy’n cael ei hysbysebu yn yr ebost a mae’n edrych yn reit ddiddorol. Addasiad Cymraeg o lyfr-cartŵn Ralf König. Mae yna wybodaeth a esiamplau o’r llyfr ar ei wefan y cyhoeddwr, Dalen.

Postiwyd yn Bywyd, Llyfrau | 2 Sylw

Cyfweliad ‘Sulu’

Postiwyd ar 29 Hydref 2005 gan dafydd

Dyma gyfweliad gyda George Takei (‘Mr Sulu’ yn Star Trek) yn trafod ei blentyndod mewn gwersyll caethiwed yn America, ei waith dros hawliau dynol ac – am y tro cyntaf – ei rywioldeb. Parch.

Postiwyd yn Ffuglen wyddonol, Newyddion | Sylwadau wedi eu Diffodd ar Cyfweliad ‘Sulu’

Seren radio

Postiwyd ar 27 Hydref 2005 gan dafydd

Dwi wedi bod yn gwrando ychydig ar STAR Radio wythnos yma, gorsaf radio gymunedol yng Nghaerdydd. Mi fydd y sioeau i gyda ar gael yn fformat MP3 ar ôl eu darlledu. Mae nifer o bethau difyr yno ynghyd ac ambell i beth Cymraeg (neu Gymreig o leia).

Postiwyd yn Cerddoriaeth, Radio | 3 Sylw