Os ydych chi ar ddihun yn gynnar iawn bore fory beth am wrando ar y ‘Steffan Cravos Orgy’ (swnio’n hwyl). Mae’r sioe yn cael ei ddarlledu ar orsaf radio prifysgol Harvard am 13 awr o 5am i 6pm (amser Cymru) felly fe fydd siawns i diwnio mewn drwy’r dydd. Mae’n bosib gwrando ar y we drwy wefan WHRB.
Cyfryng-hwr
Mae aelodau’r Rhithfro yn hoff o ymddangos ar y cyfryngau. Mae Dogfael a Rhodri wedi ymddangos ar Wedi 7 , fe wnaeth Rhys fodelu dillad ar BBC Breakfast, mae Geraint wedi gwneud un neu ddau ymddangosiad ar S4C a mae Nic bron a bod yn gyfryngi llawn amser. Sôn wedyn am Radio Cymru, fe wnaeth Ray gyfweliad wythnos yma ond mae Chris yn hen law ati.
Fi? Dwi’n hoffi gwneud pethau ychydig yn wahanol. Wnes i ymddangos ar BBC1 Wales neithiwr tua 19.47 am 2.3 eiliad. Showbiz! Dyma lun:
Ail-wampio’r mapio
Ces i cyfle (prin) heddiw i weithio ar Curiad eto, ac i wella y defnydd o fapiau Google. Yn ddiweddar mae Google wedi diweddaru eu API* i fersiwn 2, oedd yn golygu ychydig bach o newidiadau i’r cod sy’n creu’r mapiau, ond ddim byd rhy galed.
Wedyn wnes i rhywbeth roeddwn eisiau gwneud ers sbel – ar dudalen lleoliadau gigs, cael gwared o’r ddolen [map] i Multimap a chael map Google yn lle. Mi wnes i dreulio cwpl o oriau yn arbrofi gyda’r ffordd orau o gynnwys y map yn y dull mwya hyblyg a ‘glân’ (doeddwn i ddim eisiau cynnwys llawer o JavaScript yn y dudalen ei hun). Mae’n ffitio reit neis i gynllun y dudalen – dyma wybodaeth Tafarn y Fic er enghraifft.
Mae Google wedi newid eu ffynhonnell data i’r mapiau yn ddiweddar a mae’r wybodaeth yn fwy cywir na’r hen un, er mai enwau Saesneg sydd ar y map o hyd yn anffodus.
* Sgwn i beth fyddai API (Application Programming Interface) yn Gymraeg? Rhyngwyneb Rhaglennu Rhaglen? Ych!
A dyma’r newyddion eto…
A dyma’r newyddion…
Mae’r BBC wedi ryddhau fersiwn hir o gerddoriaeth agoriadol News 24. Dwi’n caru stwff fel hyn – mae cyfansoddiadau David Lowe yn wych. Mae’n cyfleu hunan-bwysigrwydd ‘Y Newyddion’ i’r dim gyda awgrym o goegni – sylwch gymaint o swooshes, blîps bach a drym riffs sydd yn cael ei wasgu fewn erbyn hyn. Dwi’n meddwl fod y thema newydd yn cyrraedd yr un lefel o wychrwydd o’r cyfnod ‘drymiau a baneri‘.
Postiwyd yn Cerddoriaeth, Newyddion, Teledu
Sylwadau wedi eu Diffodd ar A dyma’r newyddion…