Dyma gerdyn nadolig S4C eleni, sy’n gwneud defnydd dychmygus o setiau teledu fel addurniadau ar y goeden. 7 mlynedd yn ôl roeddwn i’n gweithio ar wefan hyrwyddo i S4C ar gyfer y Nadolig ac y ‘Mileniwm’ newydd. Dwi ddim yn gwybod faint welodd y wefan – ychydig iawn o bobl oedd ar y we bryd hynny, neu o leia felly oedd hi’n teimlo. Yn rhan o’r cynnwys roedd clipiau fideo gyda rhai gyflwynwyr y sianel yn dymuno Nadolig Llawen.

Dwi wedi ail-ddarganfod un o rhain, gyda Beca, Ffion a Heledd mewn arddull “babes ‘n guns” fel Charlie’s Angels. (mae yna out-take lled-adnabyddus o un o’r hysbysebion ffilmiwyd). Wnes i drio arbrofi ychydig drwy ail-gymysgu y clip fideo byr a ychwanegu trac cefndir. Mae’n ymgais braidd yn amrwd falle ond yn hwyl i’w wneud. Dyma’r unig neges Nadoligaidd cewch chi ar y blog yma (a does dim clychau’r nadolig ar y fideo)! Dyma’r merched felly:

I gau pen y mwdwl dyma Gorky’s yn chwarae ar Fideo 9, Awst 1992.

Dwi’n parhau miri Myrddin drwy edrych ar rhai arall o gyn-ddisgyblion enwog Bro Myrddin – Gorky’s Zygotic Mynci yn cael eu cyfweld ar Fideo 9 gan Daniel Glyn yn Awst 1992. (pwyntiau ychwanegol am sbotio MC Sleifar ar y fiolin).

Wnaeth fy fideo ddoe ddim llawer o les i Matthew, sydd yn dal i frwydro yn erbyn y Dewin Ding, lan yn nhref Efrog.

Yn parhau y thema felly, dyma eitem arall o Sgŵp yn trafod gwisg ysgol newydd! Edrychwch mas am ymddangosiad rhywun adnabyddus (oedd hi’n brif ferch falle?) yn cymryd yr awennau ar y drafodaeth, fel y mae’n parhau i wneud.

Dwi yn ailgylchu hen rhaglenni teledu eto, a mae gen i thema tro yma – ysgol Bro Myrddin. Daw’r clipiau cynta o raglen ‘Sgŵp’ o 1992. Roedd y rhaglen yn mynd i ysgol wahanol bob wythnos a rhoi’r cyfle i’r disgyblion gyflwyno pedwar stori o’i dewis nhw. Mae’r clip heddiw yn eitem ar y chwaraewr snwcer ifanc Matthew Stevens.