Newydd gael llun ar ffôn gan fy mrawd, sydd lan yn ynysoedd y Shetland ar gyfer gŵyl Up Helly Aa. Mae’n edrych yn gynhesach fynna na mae e fan hyn yn y tŷ.
Monthly Archives: Ionawr 2006
Sioni’r Sbwng
Mae Bwrdd yr Iaith wedi lansio ymgyrch bach heddiw o’r enw ‘Kids soak it up‘ (yr iaith hynny yw). Mae’r deunydd hyrwyddo yn defnyddio cymeriad bach rhyfedd – dwi ddim yn siwr beth yw ei enw ond dwi am ei enwi’n Sioni’r Sbwng.
A dyma fy ychwanegiad i i’r fenter (cliciwch am lun mwy)
Buchedd quotes
Newydd ddod ar draws un arall o’r gwefannau chwerthinllyd hynny wedi’u cyfieithu drwy feddalwedd TranExp (wnaeth y cwmni seilio ei geiriadur Cymraeg ar wybodaeth wnaethon nhw ‘fenthyg’ o’r we a fe wnaethon nhw gamdeall y fformat mae’n debyg).
Caewch y git
Welais i lofnod ar ebost rhywun yn ddiweddar (rhai doniol wedi’u dewis ar hap) sy’n werth ei rannu:
There were red faces in the O.S. office when its English surveyors returned from compiling a list of house names in mid and north Wales. The results contained an unusually high number of properties called Gwyliwch rhag y ci or Caewch y git, better known in English as Beware of the Dog or Shut the Gate.
Sut allai hyn ddigwydd dyddie ‘ma, meddylies i? Wnes i lwyddo i ddarganfod ffynhonnell y dyfyniad, mewn erthygl o’r Guardian, Mehefin 1999. Dwi’n amau mai gwall y Grauniad oedd ‘git’ – mae’n siwr fod arolygwyr yr OS wedi ymfalchio wrth gofnodi’r holl enwau yn ofalus, heb sylweddoli eu camsyniad mwy sylfaenol.
Yr IT Crowd
Mae rhaglen gomedi newydd yn dechrau ar Channel 4 mis nesa, yn canolbwyntio ar y gwaith di-ddiolch hynny sy’n rhan hanfodol o bob busnes heddiw – yr adran technoleg gwybodaeth. Mae’n argoeli’n dda am mai Graham Linehan yw’r awdur ond dwi hefyd yn edrych ymlaen am y cameo gan Chris Morris. Mi fydd hi’n bosib gweld y pennodau wythnos o flaen llaw ar wefan Channel 4.