{"id":415,"date":"2010-01-29T10:20:08","date_gmt":"2010-01-29T10:20:08","guid":{"rendered":"http:\/\/da.fydd.org\/blog\/?p=415"},"modified":"2010-01-29T12:07:43","modified_gmt":"2010-01-29T12:07:43","slug":"fideo-9-0","status":"publish","type":"post","link":"https:\/\/da.fydd.org\/blog\/2010\/01\/29\/fideo-9-0\/","title":{"rendered":"Fideo 9.0"},"content":{"rendered":"

Dwi wedi bod yn casglu gwybodaeth am fideos Cymraeg ar YouTube<\/strong> ers tipyn ac eisiau gwneud rhywbeth gyda nhw yn defnyddio API YouTube. Dwi am esbonio sut wnes i hyn isod ond os ydych chi yn ddi-amynedd neu ddim eisiau gwybod y manylion technegol, ewch draw i wylio’r fideos<\/a>.<\/p>\n

Y bwriad oedd creu ‘jiwcbocs’ o fideos fyddai’n chwarae’n ddi-dor. Mae yna lawer o fideos gan fandiau Cymraeg ar YouTube – rhai wedi eu cymeryd o fideos ‘swyddogol’ a wnaed ar gyfer rhaglenni teledu fel Fideo 9<\/strong>, Y Bocs<\/strong>, Syth <\/strong>a Bandit<\/strong>. Mae eraill yn fideos amatur o gigs neu rhai wedi eu creu gan y defnyddwyr. Dwi wedi dewis defnyddio y fideos swyddogol wnaed ar gyfer y teledu (sy’n cynnwys perfformiadau byw mewn stiwdio) am mai rheina ar y cyfan sydd o’r ansawdd orau ac yn ddiddorol i’w gwylio.<\/p>\n

Wnes i ddarganfod cod JavaScript<\/strong> ar y we gan rhywun oedd wedi sgrifennu sgript i ddangos ‘playlist’ o fideos a defnyddiais hwnnw fel sail. Roedd y sgript yn defnyddio rhestr o fideos wedi ei cofnodi yn y cod eu hunan, ond roeddwn i eisiau rhywbeth oedd yn gofyn i’r gweinydd am fideo newydd ar hap. Roedd angen tipyn o newidiadau felly i ychwanegu galwad i’r gweinydd drwy Ajax<\/strong>. Wedyn wnes i sgrifennu ychydig o god PHP<\/strong> ar y gweinydd er mwyn rheoli pa fideos oedd yn cael eu chwarae.<\/p>\n

Unwaith mae fideo yn gorffen chwarae, mae’r cod yn danfon yr hen ID i’r gweinydd er mwyn cofnodi sawl gwaith mae’r fideo wedi ei ddangos. A mae’n danfon ID newydd yn \u00f4l (wedi ei ddewis ar hap ond ddim<\/strong> yr un ID ac o’r blaen). Mae gwybodaeth am y g\u00e2n yn cael ei ddanfon hefyd er mwyn dangos yn yr adran ‘Yn Chwarae’.<\/p>\n

I orffen, wnes i adeiladu ffurflen bach syml er mwyn derbyn cynigion am fideos newydd – mae’r ffurflen yn chwilio os yw’r fideo ar gael yn barod. Ac yn olaf – enw. Dewisiais i ‘Fideo 9.0<\/strong>‘ mewn teyrnged i’r gyfres arloesol Fideo 9 (lle daw llawer o’r fideos ar y rhestr).<\/p>\n

\"Fideo<\/p>\n

Dwi wedi treulio tua 3 noson ar adeiladu y system mor belled felly beth allwn i wella ac ychwanegu?<\/p>\n