{"id":307,"date":"2009-04-02T17:21:42","date_gmt":"2009-04-02T16:21:42","guid":{"rendered":"http:\/\/da.fydd.org\/blog\/?p=307"},"modified":"2009-05-25T19:13:34","modified_gmt":"2009-05-25T18:13:34","slug":"be-nesa-rhan-1","status":"publish","type":"post","link":"https:\/\/da.fydd.org\/blog\/2009\/04\/02\/be-nesa-rhan-1\/","title":{"rendered":"Be nesa? Rhan 1"},"content":{"rendered":"

Dwi wedi bod yn defnyddio cysylltiad ADSL gartre ers Ionawr 2002 a mae tipyn o newidiadau wedi digwydd ers hynny o ran y dechnoleg. Wnes i ddechrau gyda cysylltiad hynod o gyflym o 512Kb\/s gan gwmni Eclipse<\/a> cyn uwchraddio i 1Mb\/s yn Hydref 2003 pan wellodd y dechnoleg. Y flwyddyn wedyn roedd gwasanaeth 2Mb ar gael ac yn 2006 roedd datblygiad pellach lle roedd hi’n bosib cael ‘fyny at 8Mb’, ond dim ond tua 5Mb dwi’n gael.<\/p>\n

Beth sydd wedi digwydd ers 2006 ‘te? Un datblygiad yw LLU (Local Loop Unbundling). Mae’r polisi yma yn golygu fod BT yn gorfod agor eu cyfnewidfeydd fel y gall cwmn\u00efau arall osod eu offer nhw ynddo. Oherwydd y gost o wneud hynny, ychydig iawn o gwmn\u00efau sydd yn gallu gwneud hyn a mae nhw’n dueddol o ddewis mannau poblog. Mae 7 cwmni heblaw BT wedi gosod offer yn fy nghyfnewidfa lleol yng Nghaerdydd.<\/p>\n

Dyw Eclipse fel darparwr ddim yn ddigon mawr i osod offer LLU ond mae nhw yn defnyddio cwmniau arall er mwyn arbed arian – Tiscali mae’n debyg. Felly dwi’n defnyddio’r dechnoleg yn anuniongyrchol. Oherwydd hyn mi fyddai’n bosib i mi uwchraddio y cyflymder ymhellach i dechnoleg ADSL2+ sy’n cynnig ‘fyny at 24Mb’.<\/p>\n

Gan fod y dewis o ddarparwyr wedi ehangu gymaint wnes i ail-ystyried eleni be oeddwn i am wneud. Dyma’r dewis:<\/p>\n