Archifau Categori: Rhithfro

Pedwar Peth

Postiwyd ar gan

Dwi ddim yn wir hoffi llenwi’r rhestrau ‘ma, ond gan fod Nic wedi fy pasio hwn mlaen i fi, wnai rhoi gynnig arni.

Pedwar swydd dw i wedi’u cael

  1. Ffilmio gwaith ffordd yr M4 yn Llansawel (wel, profiad gwaith oedd e)
  2. Rhedeg caffi seiber yn y Steddfod
  3. Rhaglennwr gwefannau
  4. Gweinyddwr TG

Pedwar ffilm gallaf eu gwylio drosodd a throsodd

  1. Bladerunner
  2. The Italian Job (y gwreiddiol)
  3. Toy Story
  4. Y Dyn Nath Ddwyn y Dolig

Pedwar lle dw i wedi byw ynddyn nhw

  1. Penarth
  2. Caerdydd
  3. Bangor
  4. Aberystwyth

Pedwar rhaglen teledu dw i eu caru

Dwi am roi rhaglenni sy’ wedi bod mlaen yn ddiweddar.

  1. Stargate Atlantis/SG1
  2. Green Wing
  3. Time Team
  4. House

Pedwar lle dw i wedi bod ar wyliau

  1. Llydaw
  2. Dyfnaint
  3. Yr Alban (Caeredin, St Andrews)
  4. Ty Ddewi

Pedwar o’m hoff brydau bwyd

  1. Bîns ar dost
  2. Spaghetti Bolognese
  3. Hufen Ia Joe’s (ydi hwnna’n fwyd?)
  4. Cinio dydd Sul

Pedwar gwefan dw i’n ymweld â nhw bob dydd

  1. maes-e (ofiysli)
  2. Bloglines fel porth i llwyth o wefannnau arall
  3. Guardian
  4. New Scientist

Pedwar lle hoffwn i fod yn y munud hwn

  1. Yn y gwely
  2. Yn y bath
  3. Yn y gadair esmwyth
  4. Ar y lleuad

Pedwar blogiwr dw i’n eu tagio

Fyddwn ni wedi tagio pawb yn y byd blogio Cymraeg o fewn wythnos..

  1. Newydd Sbon (der mla’n Huw)
  2. Byd Hyfryd (person dirgel tu hwnt)
  3. Dotio (Mair)
  4. Crochenwaith

Yr Ynfytyn

Postiwyd ar gan

Nawr ac yn man mae’n werth gwneud chwiliad blog am dermau fel ‘cymru’, ‘cymraeg’, ‘caerdydd’ neu ‘eich lleoliad chi’ er mwyn dod o hyd i flogiau Cymraeg newydd. Fel arfer pan dwi’n gwneud hyn dwi’n darganfod fod Nic, Rhys neu Geraint wedi bod yno rhai misoedd o’ mlaen i.

Ond ddim tro yma, y diawled. Des i ar draws Yr Ynfytyn, rhyw fath o bapur newydd ffug ynghyd a lluniau hefyd. Newydd ddechrau mae e a does dim llawer o wybodaeth amdano yno. Mae’n cynnwys erthyglau dychanol, sych, sydd yn amlwg wedi eu hysbrydoli gan eitemau newyddion go iawn. Dwi’n meddwl falle nad blog yw’r ffurf gorau ar gyfer rhywbeth fel hwn ond mi fydd hi’n ddiddorol gweld sut mae’n datblygu.

Bwyta sbam

Postiwyd ar gan

Dwi wedi bod yn diodde cryn dipyn o sbam sylwadau ar y blog yma’n ddiweddar, er mae’n edrych fel ei fod wedi tawelu yn ddiweddar.

Mae’r blog wedi ei osod fel fy mod i yn gorfod cymedroli y sylw cyntaf gan unrhyw un – a mae hyn yn golygu fod pob neges sbam yn mynd i’r rhestr gymedroli yn syth. Mae hyn yn boen pan fo degau o negeseuon yn cael ei danfon gan fotiau sbam.

Ar ôl chwilio am y ffordd orau o atal sbam yn WordPress, a trio un neu ddau ategyn, mi ddes i ar draws Spam Karma 2. Mae hwn yn ategyn di-drafferth iawn a wedi bod yn effeithiol mor belled. Dwi hanner ffordd drwy gyfieithu y rhyngwyneb (gweinyddol) i Gymraeg – fan hyn.