Mae’r wefan Gigapan yn caniatau unrhywun i greu lluniau panoramig a ‘chwyddadwy’ gyda camera digidol cyffredin.

Dyma lun gwych o seremoni urddo Barack Obama , a dyma un hyfryd o Ben y Fan.

O’n i’n chwilio Google am bethau ar hap i wneud a Chaerdydd a des i ar draws lluniau 360° o Gaerdydd (dim byd newydd ond mae rhain yn rhai neis a wedi ei tynnu yn ddiweddar). Dyma lun o Heol y Brodyr Llwydion, lle dwi’n gweithio a mae dolenni i lefydd eraill yn y ddinas.

Ond i gyfuno gyda pwnc arall cyfredol, sef Scymraeg, sbotiwch yr arwydd anghywir yn y llun!

Dwi wedi ychwanegu categori ‘Celf’ ar gyfer y cofnod hwn, a dwi ddim yn gwybod faint o ddefnydd gaiff e. Roedd arddangosfa o luniau Charles Byrd yn yr Eisteddfod.

Mae ei luniau o’r 50au yn reit ffantasïol ac yn gwneud i Gaerdydd edrych fel ryw bentre bach pert yn Ffrainc. Roedd yr arddangosfa hefyd yn cynnwys ei ‘gerfluniau symudol’, fel mae’r llun isod yn dangos. Roedd y rhain wedi bod yn eistedd mewn atic am flynyddoedd a roedd y gwe pry cop yn dal yn hongian oddi arnyn nhw.

Dyma un o’r lluniau mwy diflas dwi wedi gweld ar flaen gwefan (un yr Eisteddfod cyn i chi ofyn):

Mae’n edrych fel fersiwn Cymru o Royston Vasey – “Croeso i Faesteg, wnewch chi fyth adael”.