daflog » Hwyl

Hen hysbyseb

dafydd — Thu, 14 Apr 2011 23:47:41 +0000

Dyma hen hysbyseb o bapur newydd. Oes rhywun eisiau dyfalu o le ddaeth hwn? Mi wnai ddatgelu fory rhywbryd a mae cysylltiad rhwng hwn a’r cofnod cynt ynglŷn a phapurau newydd.

Mae’r hysbyseb yn fy atgoffa fi o hwn (John Bwts a’i acen cocni gorau).

Stwnsho

dafydd — Wed, 13 Apr 2011 11:14:47 +0000

Ddylwn i ddim synnu bellach am y fath o bethau rhyfedd mae pobl yn trafod ar y we, ond mae hwn yn newydd i fi.

Mae yna wefan ar gyfer pobl gyda fetish rhyfedd iawn sef gwylio pobl yn cael eu gungeio neu stwnsho. Diolch am Stwnsh Sadwrn ar S4C felly! Mae yna hefyd sianel fideo ar YouTube sydd a chlipiau o Stwnsh.

Dyma Tara Bethan yn ei chael hi:

Aduniad ar y paith

dafydd — Sun, 26 Sep 2010 16:57:11 +0000

Fe wnaeth perthynas i mi fynd allan i Batagonia yn 2006 a chymeryd dyddiadur fideo o’r trip. Yn ystod ymweliad a’r ysgol Gymraeg yn Nhrelew, fe wnaeth hi weithdy dawns gyda’r plant. Roedd hi’n defnyddio CD o ganeuon Cymraeg addas yn cynnwys Aduniad gan Lo-Cut a Sleifar. Roedd yn rhaid i fi wneud rhywbeth gyda hyn… felly gwyliwch y fideo yma.

Achub Mynydd

dafydd — Sat, 10 Apr 2010 22:55:35 +0000

Dwi wedi esgeuluso’r blog ychydig dros yr wythnosau diwetha yn bennaf oherwydd prysurdeb gwaith ac oherwydd fod y Twitter ddieflig yn tynnu ychydig o’r sylw.

Mae gen i gasgliad o glipiau sain/fideo yr hoffwn i wneud rhywbeth gyda nhw ond byth yn cael yr amser. Fel arbrawf bach felly dyma ychydig o nonsens wnes i roi at ei gilydd heddiw:

Cracyr ‘dolig

dafydd — Thu, 20 Dec 2007 17:25:13 +0000

Tua adeg yma’r flwyddyn dwi’n gwneud fideo nadolig i ddarllenwyr ffyddlon y blog. Eleni cawn olwg fach ar beryglon teledu byw.

Nadolig Llawen!

Gŵyl y Gaeaf Caerdydd 2007

dafydd — Wed, 14 Nov 2007 17:14:27 +0000

Dwi newydd greu tudalen ar gyfer gwe-gamera sy’n edrych allan ar ganolfan ddinesig Caerdydd. Mae’r olwyn fawr yn rhan o atyniadau Gŵyl y Gaeaf yng Nghaerdydd fydd yn agor fory. Mae’r llun yn adnewyddu bob munud yn otomatig, ond mi fydd yr olygfa yn well ar ôl 7 o’r gloch pan fydd goleuadau’r swyddfa yn mynd allan.

Gwyliwch yma

Y tric mewn busnes yw…

dafydd — Tue, 22 May 2007 18:05:59 +0000

Ydych chi erioed wedi meddwl am be mae’r pobl busnes na’n gwneud yn eu ciniawau (neu brecwastau) ‘rhwydweithio’?

Mae aelodau clwb ‘Working Lunch Wales’ wedi bod yn dysgu gwneud ychydig o hud a lledrith. Wele un o’r triciau sy’n cael ei berfformio gan ddau dyn busnes – tra bod un yn eistedd yn yr awyr gyda dim ond un goes ar y llawr, mae’r llall yn balansio ar ei gefn! Mae llun y pâr dawnus ar y dudalen yma (sgroliwch i lawr).

Chris a Sian

dafydd — Thu, 17 May 2007 21:42:57 +0000

Mae pawb yn caru Chris…

Blog Chewy

dafydd — Sat, 18 Feb 2006 01:41:46 +0000

Mae’r wookie enwog wedi dechrau blogio. Hollol wallgo, ond doniol rhywsut.

Sioni’r Sbwng

dafydd — Mon, 23 Jan 2006 17:36:21 +0000

Mae Bwrdd yr Iaith wedi lansio ymgyrch bach heddiw o’r enw ‘Kids soak it up‘ (yr iaith hynny yw). Mae’r deunydd hyrwyddo yn defnyddio cymeriad bach rhyfedd – dwi ddim yn siwr beth yw ei enw ond dwi am ei enwi’n Sioni’r Sbwng.

A dyma fy ychwanegiad i i’r fenter (cliciwch am lun mwy)