daflog » Ffuglen wyddonol

Dr Hoo

dafydd — Mon, 16 Feb 2009 23:09:11 +0000

Dim Hoo? Pwy yw Dr Hoo? Dyna’r cwestiwn sy’n cael ei ofyn yn y gyfres fer sy’n cael ei ddangos ar y we gan Virgin Media. Cwestiwn arall yw ‘pwy fyddai’n gwylio’r fath beth’? Mae e’n wael, ac eto’n dda a… dwi wedi drysu. Mae’r prif gymeriad i fod yn Gymro llysieuol aml-bersonoliaeth, sydd efallai yn esbonio pam fod yr acen ym amrywio o Lerpwl i Rhyl ac i rhywle amhenodol yn y Cymoedd.

Mae’n saff i’w wylio yn y gwaith gyda llaw ond mae yna ychydig o olygfeydd ynddo wnaeth i fi ddechrau meddwl “dal ‘mlan, lle mae hwn yn mynd nesa’”?

Mae’r golygfeydd yn Dr Hoo yn llusgo’n ymlaen ychydig yn rhy hir. Mae’r bylchau hir o ddistawrwydd yn teimlo’n lletchwith, fel ffilm Ffrengig ond heb y golygfeydd eang o gefn gwlad. Er, mai yna ryw fath o stori yma a rhaid i ddychymyg y gwyliwr lenwi’r bylchau. Dwi dal ddim yn gallu penderfynu os yw hwn yn waith athrylithgar neu yn un o’r syniadau gwaetha am raglen deledu ers peth amser.

O fy nuw, mae’n llawn o sêr!

dafydd — Tue, 18 Mar 2008 22:42:14 +0000

Diolch i Arthur C. Clarke am danio fy nychymyg.

Dr Pwy a’r Graske

dafydd — Mon, 26 Dec 2005 16:28:41 +0000

Ar ôl y bennod Nadoligaidd gwych o Dr Who, dangoswyd pennod ‘rhyngweithiol’ byr, Attack of the Graske.

A dyma esbonio o’r diwedd pwy oedd yn ffilmio nôl ym mis Tachwedd. Roedd hi’n bennod rhyngweithiol iawn mewn mwy nag un ffordd felly!

Blog gwyddonias

dafydd — Wed, 14 Dec 2005 15:46:27 +0000

Mae criw y cylch gwyddonias o’r maes wedi dechrau blog newydd – Bodio’r Bydysawd – ar gyfer eitemau newyddion, adolygiadau ar gyfer unrhywbeth arall yn trafod gwyddonias. Os ydych chi eisiau cyfrannu unrhywbeth, ewch draw a chliciwch ar y botwm Cysylltu.

Cyfweliad ‘Sulu’

dafydd — Sat, 29 Oct 2005 01:03:14 +0000

Dyma gyfweliad gyda George Takei (‘Mr Sulu’ yn Star Trek) yn trafod ei blentyndod mewn gwersyll caethiwed yn America, ei waith dros hawliau dynol ac – am y tro cyntaf – ei rywioldeb. Parch.

Trafod ffuglen wyddonol

dafydd — Wed, 03 Aug 2005 09:18:48 +0000

Mae Nic wedi penderfynu gadael i aelodau o glwb cefnogwyr maes-e i greu cylchoedd trafod ei hunain o fewn y maes, sydd yn beth handi achos weithiau mae angen mas critigol defnyddwyr y maes i gychwyn diddordeb cyn iddo esgor ar wefannau trafod arall.

Mae’r cylch cyntaf wedi ei greu gan SerenSiwenna ar gyfer ffuglen wyddonol.

Scotty

dafydd — Wed, 20 Jul 2005 16:15:06 +0000

Trist clywed fod James Doohan, Scotty o Star Trek wedi ei ‘belydru fyny’ am y tro olaf ar ôl marw, yn 85 mlwydd oed.

Blaidd Drwg

dafydd — Sun, 03 Jul 2005 16:17:50 +0000

Dwi wedi cerdded fyny Parc y Gamlas ym Mae Caerdydd bob dydd gwaith ers blynyddoedd ar y ffordd i’r, wel, gwaith. Ddydd Gwener wnes i fentro ychydig ymhellach fyny’r parc i gael ychydig o luniau o graffiti enwog a roddwyd yno ar gyfer Dr. Who. (Mae yna ddamcaniaeth fod y graffiti yno’n barod a mai Bad Wolf yw tag rhywun o’r ardal, ond dwi ddim yn gwybod os yw hyn yn wir).

Fe roedd y lleoliad o gwmpas Sgwâr Loudoun yn eitha pwysig i’r bennod olaf. Ie, dwi’n gwybod fod hyn yn drist, ond mae’r lluniau gymerais i ar flickr.

Fe ddaethant o’r blaned Mawrth…

dafydd — Fri, 01 Jul 2005 09:52:00 +0000

Fe ges i fy hudoli gan stori HG Wells – “War of the Worlds” yn eitha ifanc ac yn enwedig o wrando ar gampwaith cerddorol Jeff Wayne. Nawr wrth gwrs mae’r heip y ffilm newydd yn ei anterth. Does gen i ddim llawer o ysfa i weld y ffilm, ond mi fydd yn rhaid ei weld rhywbryd.

Mae gen i fwy o ddiddordeb mewn prynu’r set newydd o 6 CD a DVD yn cynnwys y recordiad gwreiddiol gyda llais arbennig Richard Burton.