Dyma ffilm fer o 2005 gan Rhodri ap Dyfrig a James Nee sydd yn delio a’r thema o golled. Er ei fod yn ffilm drist a tywyll ar yr olwg gynta dwi’n meddwl fod e’n gorffen yn obeithiol. Be ysgrifennwyd yn y llyfr ymwelwyr ar y diwedd? Mae e fyny i’r gwyliwr lenwi’r bwlch yna.

Rhowch glic-ddwbl ar y fideo i gael fideo sgrîn lawn.

Y Fargen (ffilm fer gan James Nee a Rhodri ap Dyfrig) from Rhodri ap Dyfrig on Vimeo.

Ffwoar, drychwch ar ‘equipment’ honna. Na nid Keiley dwi’n feddwl ond yr Halinamatic Super-8 (o car boot sale Caergybi bai eni chans?). Mae hwn wedi’i gymryd o sesiwn luniau ar gyfer prosiect newydd Johnny R – Ffilm Ffwoar.

Oeddech chi’n gwybod fod Johnny R yn arfer bod yn ‘SA’ neu ecstra ar Hollyoaks? Na, does dim prawf gen i. Ond efallai fod hyn yn esbonio pam fod Johnny, tra nad yw’n weindio lan perchennog fforwm boblogaidd, yn ffansio ei hun fel cyfarwyddwr a wedi mentro i’r maes. Os ydych chi eisiau bod yn seren swpyr-eit ewch i’r wefan am fanylion – beth sy’ da chi golli heblaw eich urddas?

Fel wnes i grybwyll o’r blaen, mae Recordiau R-bennig wedi dod i ben, ond mae Johnny R am barhau ei anturiaethau creadigol mewn cyfrwng arall – ffilmiau. Yn ôl y wefan, y bwriad yw cynhyrchu ffilm o’r enw “Pram Ddim”. Efallai fod hyn yn wir, neu efallai ei fod yn arsylwad dychanol ar y tueddiad sydd gan cyn-berchnogion label neu gerddorion i fynd i’r diwydiant ffilmiau/teledu sydd wrth gwrs yn ddiwydiant llawer mwy rhywiol (a sdim angen slafio yn y stiwdio ar ran bandiau amatur anniolchgar).

Ta waeth, yn arbennig ar gyfer darllenwyr Daflog rwy’n cyflwyno arbrawf cynta R-bennig yn y maes, cafodd ei ysbrydoli gan rhywbeth wnes i jyst wneud lan, sef cyfarfod cyffredinol y ‘John Grindell Appreciation Society’ lle mae pawb yn dod i ddawnsio “ar y Sgwâr” (Mount Stuart) mewn wigs melyn llachar. Dyma’r fideo:

Fe ges i ddiwrnod yn gwneud pethau twristaidd ym Mae Caerdydd cwpl o fisoedd yn ôl (mynd am drip ar y trên ar draws y Morglawdd ac yn y blaen) ond dim ond nawr dwi’n cael amser i flogio amdano. Tra o’n i yna roedd criw o India yn ffilmio yng ngwahanol lefydd o gwmpas y Bae. Roedden nhw’n griw eitha proffesiynol yr olwg (tua 30 ohonynt) gyda camera ffilm go iawn, nid fideo, er nad oedd llawer o drefn i’w weld arnynt – fues i am hir yn trio gweithio allan pwy oedd yn cyfarwyddo.

Roedden nhw’n ffilmio mewn darnau o 5 eiliad gyda merch a bachgen yn dawnsio i gyfeiliant cerddoriaeth. Dwi’n dweud dawnsio, ond oedd e’n amlwg mai nid dyna oedd sgil cryfaf y dyn ifanc o flaen y camera. Roedd yna ddau goreograffydd yn ei helpu i ddysgu y symudiadau ar gyfer pob darn byr ac yn cael trafferth mawr i gael y peth yn iawn – nid oedd yn ysgafn ar ei draed…

Fe wnes i dreulio hanner awr yn gwylio hyn ac ar ôl deg cais fe lwyddwyd i fodloni’r cyfarwyddwyr a fe aethon nhw ymlaen i’r 5 eiliad nesaf. Yr ymadrodd dwi’n gofio o’r diwrnod yma oedd “Ready! Sound! Taking!” (rhywbeth felna.. mewn acen Indiaidd). Dyma ddau glip fideo o’r ffilmio a dyma luniau o’r diwrnod.

Take 23 [10.2MB]
Ready! Sound! [12.1MB]

Trist clywed fod James Doohan, Scotty o Star Trek wedi ei ‘belydru fyny’ am y tro olaf ar ôl marw, yn 85 mlwydd oed.