daflog » MP3

Chwant Seicoleg

dafydd — Sat, 03 Sep 2011 14:13:27 +0000

Yn 2005, wnes i bostio ffeiliau mp3 oddi ar yr albwm amlgyfrannog “Hei Mr Dj”, oedd yn cynnwys “Breuddwyd” gan Ust.

Nawr, dyma albwm cyfan Ust – “Chwant Seicoleg”, ryddhawyd yn 1990. Recordiwyd y caneuon yma rhwng 1987 a 1990 yn stiwdio y diweddar Les Morrison. Mae’r archif zip isod yn cynnwys 8 cân.

Ust – Chwant Seicoleg [47.3MB]

CyI 25

dafydd — Wed, 31 Aug 2011 23:10:40 +0000

Y flwyddyn nesaf, fe fydd Cymdeithas yr Iaith yn hanner cant mlwydd oed. Yn 1987 felly roedd y Gymdeithas yn 25. Fe gyhoeddwyd casét fel rhan o’r dathliadau, gan y grŵp H3. Fe wnes i brynu hwn rhai blynyddoedd yn ôl yn Recordiau Cob am 50 ceiniog. Dyma’r clawr:

Dyma’r ddau gan fer ar ddechrau’r tâp:

H3 – Y Blynyddoedd Aur (Penblwydd Hapus)

Bandmaster D + H3 – Dydd Ddim yn Diwrnod

Gyda llaw, dyma’r daflen oedd yn dod tu fewn i’r casét.

Ac i gloi’r tâp mae mics hirach o’r ddau gan arall.

H3 – mics

Prynu MP3s Cymraeg

dafydd — Thu, 24 Jun 2010 22:09:45 +0000

Fe wnaeth Chris Cope bwynt da ar Twitter, sef fod hi’n anodd dod o hyd i MP3s Cymraeg ar lein. Mae nifer o wasanaethau sy’n werthu cerddoriaeth ar ffurf MP3 a mae rhai yn well na’i gilydd. Mae’n anodd dod o hyd i gerddoriaeth Cymraeg ar rhai gwasanaethau heb wybod enw’r band o flaen llaw.

Mae system gaeëdig ond pwysig iTunes yn enghraifft dda o hyn. Yn ôl beth dwi’n gallu gweld does dim posib i labeli dagio eu caneuon neu albymau gyda iaith.

Dwi wedi bod yn ymchwilio i hyn ers tipyn felly mae’n werth rhannu y wybodaeth dwi wedi casglu yn barod. Mae gwasanaeth Spotify yn arbennig o dda am ei fod yn bosib chwilio yn ôl label. Dwi wedi creu rhestr fer o ddolennau defnyddiol fan hyn.

Dwi’n falch o dderbyn unrhyw wybodaeth ychwanegol am fwy o labeli.

Hacio’r gerddoriaeth

dafydd — Sun, 11 Apr 2010 21:07:41 +0000

Dyma fy ymateb i her Carl i greu trac allan o’i sampls sain “Hacio’r Iaith”. Ie, allwch chi weld dylanwad Paul Hardcastle yn eitha amlwg fan hyn. Edrych ymlaen i weld os oes unrhywun arall am wneud rhywbeth tebyg.

Cymal #3 – Yn Y Gymraeg (Mics Haciaith) [4.32MB]

Kronva Thoor

dafydd — Thu, 31 Aug 2006 22:42:58 +0000

Ydych chi’n credu bod nofio mewn cronfa ddŵr yn cŵl? Wel dyw e ddim, reit? Dyna’r neges sydd i’w glywed mewn trac newydd sydd wedi ei ryddhau gan Cymal 3. Dyna gyd.

Cymal #3 – Kronva Thoor [3.78MB]

Llabystiau Llanelli

dafydd — Tue, 08 Aug 2006 19:46:04 +0000

Fe wnaeth edefyn am Llanelli ar faes-e atgoffa fi am record o’r 90au cynnar. Yr adeg hynny daeth Llanelli ac Abertawe i sylw’r wasg oherwydd digwyddiadau o drais, dwyn ceir, gwefryrru a drygioni anghymdeithasol cyffredinol. Dwi’n cofio Craig Charles yn gwneud eitem am hyn ar raglen BBC 1 (Them and Us o bosib). Fe samplwyd yr eitem mewn trac gwych gan fand dawns/rap o Lanelli. Does gen i ddim syniad beth oedd enw’r band.

Llanelli – Sodom and Gomorrah? [3.61MB]

Ail-lansiad Plaid Cymru

dafydd — Sat, 25 Feb 2006 18:11:26 +0000

Wel mae digon o sôn wedi bod am ail-frandio Plaid ~~Cymru~~ ar faes-e a llefydd arall. Beth sy’n drist yw gweld y smonach mae nhw wedi gwneud ohoni. Dyw’r logo newydd ddim mor ddrwg a hynny, os oedd Plaid ~~Cymru~~ yn gwmni masnachol. Ydi e’n addas i blaid wleidyddol? Dwi’n amau.

Mi roedd gwefan y Blaid yn destun jôc o’r blaen a does dim byd wedi newid er y cot newydd o baent- dy’n nhw ddim hyd yn oed yn gallu penderfynu pa ffont a lliw i ddefnyddio ar gyfer yr enw ‘Plaid’ yn eu logo. Mae cymru x ymhell ar y blaen o ran cyflwyniad a delwedd.

Ta beth, y ‘logo sain’ wnaeth fy nifyrru i fwya. Fe ges i’r syniad neithiwr o ail-gymysgu’r sampl sain ac ychydig oriau yn ddiweddarach des i lan a ‘Paid Cymru’. Mi fydd mics hirach o hwn yn cael ei wneud yn y man.

Paid Cymru (Mics Dai a Rea) [2.07MB]

Owain Wright

dafydd — Sat, 24 Dec 2005 00:30:38 +0000

Roedd yn drist iawn clywed am farwolaeth Oz (Owain Wright) mewn damwain gyda car, ar ôl iddo fod mewn ggi yn Neuadd Hendre, Bangor lle roedd ei ffrind Euros Childs yn chwarae ymysg eraill.

Mi fyddai ei lais yn fwy adnabyddus na’i wyneb dwi’n siwr, i’r rhai sy’n cofio cerddoriaeth arbennig Rheinallt H. Rowlands. Fel teyrnged bach dyma un o ganeuon cynharaf y grŵp, Weithiau sydd i’w gael ar CD Triskadekaphilia (Ankst CD 061)

Rheinallt H. Rowlands- Weithiau [3.29MB]

Chris a chwrw

dafydd — Wed, 16 Nov 2005 11:37:41 +0000

Cafwyd post clywedol arall gan Chris felly chi’n gwybod beth sy’n dilyn… Fe fyddai’n diflasu gyda gwneud hyn cyn bo hir, wir nawr.

Mae y sampl cefndir (beats) yn dod o wefan ccMixter o dan drwydded Creative Commons felly mae’r trac yma yn cael ei ryddhau o dan CC hefyd.

Cymal 3 – CC3 [3.50MB]

Gêm on Hogia!

dafydd — Mon, 14 Nov 2005 20:42:02 +0000

Daeth sengl nadoligaidd drwy’r post o label R-Bennig. Yn ôl y datganiad mae R-bennig wedi ryddhau dros 30 o deitlau (mor belled) flwyddyn yma a nawr dyma sengl (R-BEN 092) i gloriannu’r cwbl. Ryw fath o drip meddw drwy gêm darts yn y dafarn leol yw hwn.

Aelwyd Anal Arts – Gêm On Hogia! [2.72MB]