daflog » Cerddoriaeth

Prynu MP3s Cymraeg

dafydd — Thu, 24 Jun 2010 22:09:45 +0000

Fe wnaeth Chris Cope bwynt da ar Twitter, sef fod hi’n anodd dod o hyd i MP3s Cymraeg ar lein. Mae nifer o wasanaethau sy’n werthu cerddoriaeth ar ffurf MP3 a mae rhai yn well na’i gilydd. Mae’n anodd dod o hyd i gerddoriaeth Cymraeg ar rhai gwasanaethau heb wybod enw’r band o flaen llaw.

Mae system gaeëdig ond pwysig iTunes yn enghraifft dda o hyn. Yn ôl beth dwi’n gallu gweld does dim posib i labeli dagio eu caneuon neu albymau gyda iaith.

Dwi wedi bod yn ymchwilio i hyn ers tipyn felly mae’n werth rhannu y wybodaeth dwi wedi casglu yn barod. Mae gwasanaeth Spotify yn arbennig o dda am ei fod yn bosib chwilio yn ôl label. Dwi wedi creu rhestr fer o ddolennau defnyddiol fan hyn.

Dwi’n falch o dderbyn unrhyw wybodaeth ychwanegol am fwy o labeli.

Hacio’r gerddoriaeth

dafydd — Sun, 11 Apr 2010 21:07:41 +0000

Dyma fy ymateb i her Carl i greu trac allan o’i sampls sain “Hacio’r Iaith”. Ie, allwch chi weld dylanwad Paul Hardcastle yn eitha amlwg fan hyn. Edrych ymlaen i weld os oes unrhywun arall am wneud rhywbeth tebyg.

Cymal #3 – Yn Y Gymraeg (Mics Haciaith) [4.32MB]

Carl Sagan – Cosmos remix

dafydd — Thu, 01 Oct 2009 21:31:21 +0000

Fel plentyn yn yr 80au gyda diddordeb yn y gofod, Patrick Moore a James Burke oedd y cyflwynwyr teledu wnaeth ddylanwadu fi. I Americanwyr, Carl Sagan oedd y dyn wnaeth boblogeiddio’r pwnc ar y teledu gyda’r gyfres Cosmos. Wnes i ddim darganfod y dyn na’r gyfres tan y 1990au.

Dyma fideo gwych sy’n samplo y rhaglenni:

Grindell a’i ganeuon

dafydd — Wed, 23 Sep 2009 22:55:26 +0000

Dyma rywbeth dwi wedi bod yn bwriadu postio ers sbel – dolen at wefan John Grindell sy’n dathlu 30 mlynedd yn y busnes flwyddyn yma. Mae John wedi rhoi peth o’i albymau ar y wefan i chi lwytho lawr. Dyw ei albym gwych “Effaith y Saeson” ddim yna – fe fydd rhaid i fi gofio gwneud copi mp3 o hwnna o’r casét.

Mae ei fideo ar gyfer y fersiwn techno o “Dawnsio ar y sgwâr” isod ond mae’n werth edrych ar weddill ei ganeuon i blant ar YouTube yn cynnwys yr anhygoel “Dŵr“.

Cariad ac ati.

dafydd — Mon, 23 Feb 2009 22:26:39 +0000

Fideo dyfeisgar newydd ar gyfer sengl gorau’r Pet Shop Boys ers… yr un dwetha’.

PSB – Ie

dafydd — Mon, 12 Jan 2009 23:20:41 +0000

Er mod i wedi colli diddordeb ynddyn nhw yn y blynyddoedd diwethaf, dwi’n dal i garu’r Pet Shop Boys. Felly dwi’n edrych ymlaen i’w albym newydd ‘Yes’ sy’n cael ei ryddhau ar yr 23ain o Fawrth.

Yn ôl y sôn mae nhw wedi cael help llaw Tchaikovsky ar un trac, sy’n dipyn o sgŵp! A mae hynny wedi fy atgoffa i o hyn:

3 gair bach

dafydd — Tue, 28 Oct 2008 22:46:45 +0000

Dwi’n dal i garu Frankmusik. Dyma fideo o gân ar ei EP newydd ’3 Little Words’ gyda ysbrydoliaeth ‘Mawr’. Pop perffaith gan ddiawl golygus.

Popeth sy’n digwydd

dafydd — Tue, 19 Aug 2008 18:24:46 +0000

Albym newydd gan David Byrne a Brian Eno – allwch chi feddwl am unrhywbeth gwell? Dwi’n dal i wrando ar hwn ond mae yna cwpl o draciau difyr mor belled.

Rhywbeth Da ’08

dafydd — Fri, 14 Mar 2008 21:35:13 +0000

O’n i’n ffan mawr o’r Utah Saints yn y 90au a mae nhw wedi ail-ryddhau mics newydd o Something Good yn ddiweddar. Dwi’ ddim yn ffan mawr o’r mics newydd ond mae yna fideo difyr i fynd gyda’r trac.

‘Sdim cysylltiad â Chymru fel y cyfryw (sori Wedi 7) dim ond fod cyfarwyddwr y fideo eisiau dewis rhywle ‘obscure‘ fel lleoliad ar gyfer dyfeisiad y ddawns ‘rhedeg‘, fel welwch chi:

Dyn hapus

dafydd — Tue, 18 Sep 2007 20:17:08 +0000

Dwi wedi bod yn hymian cân drwy’r dydd ond does gen i ddim unrhyw glem lle glywais i e a beth oedd enw’r gân/grŵp. Ar rhyw flog siwr o fod, gan mai dim ond blogiau dwi’n cael amser i ddarllen dyddiau yma.

Diolch i Youtube fe wnes i lwyddo dod o hyd i’r gân gyda fideo answyddogol (sydd ddim yn arbennig). Dal ddim yn siwr lle glywais fe.

Mae’r trac yma gan y band Covenant o Sweden. Dyma’r tro cynta i fi glywed amdanyn nhw ond mae nhw’n ffefryn yn barod. Mae’r saeson yn hoffi malu cachu mai nhw sy’n gwneud y caneuon pop gorau, ond ers y 90au Sweden sydd ar y blaen am gerddoriaeth pop/electronic deallus (dyna pam fod y cynhyrchwyr i gyd yn heidio yno).