Newydd lansio gwefan fach hyfryd i ardal Hiraethog yn y gogledd. Grêt.
Archifau Categori: Bywyd
Darllen y we
Mae Readspeaker yn wasanaeth masnachol sy’n gosod technoleg testun-i-lais mewn ffordd hwylus o fewn gwefan. Mae’n defnyddio meddalwedd Festival a felly yn gallu ‘siarad Cymraeg’ gyda’r llais a ddatblygwyd gan Ganolfan Bedwyr.
Mae Bwrdd yr Iaith newydd lansio hwn ar eu gwefannau (edrychwch am y botwm ‘darllennwch y dudalen’. Er fod y llais Cymraeg yn gwneud ymdrech deg iawn ar ddarllen y testun, mae’n werth cymharu gyda ansawdd a huodledd y llais Saesneg, sydd yn dangos be allwch chi gyflawni gyda fwy o arian ac ymchwil.
Trafferthion teithio
Oherwydd y gwynt a glaw di-derfyn yn ddiweddar, mae e wedi bod yn ddigon anodd teithio ar drafnidiaeth cyhoeddus mewn rhannau o Gymru. Mae’r trênau o gwmpas Caerdydd wedi bod yn eitha annibynadwy – y diwrnod o’r blaen fe ganslwyd dau drên yn olynol, felly roedd rhaid cerdded lan Stryd Bute yn y glaw (ymarfer corff da falle ond ddim yn bleserus). Y dyddie yma, wrth gerdded drwy Caerdydd yn y tywyllwch gyda’r glaw yn tasgu oddi ar yr ymbarél, dwi’n hanner disgwyl tîm Torchwood i ruthro rownd y gornel ar drywydd ryw ddirgelwch arall.
Cyn i fy ffantasi gymryd drosodd, roedd pwynt i’r blogiad yma – sef nodi fod porthiant RSS Cymraeg gan y BBC o newyddion teithio Arriva Cymru. Alla’i ddim gweld hwn wedi ei hysbysebu unrhyw le, ddim yn y wefan Teithio na Travel News. Dangos y prif ddigwyddiadau mae hwn nid gwybodaeth am bob gorsaf ond mae’n fwy defnyddiol na ein hen ffrind, gwefan Arriva.
Cynnwrf yn Nhre Bute
Wrth adael y gwaith neithiwr fe welais i fod yr heddlu wedi ymgynnull i lawr y stryd. Roedd pedwar car heddlu yno a roedd tâp plastig wedi ei glymu ar draws y stryd. Mi roedd rhai o’r heddweision yn sgwrsio gyda grŵp o ddynion ifanc ac yn cymryd nodiadau. R’on i’n disgwyl gweld rhyw stori ar y newyddion ‘falle ond doedd dim byd.
Er fod yr heddlu dal yno y bore ‘ma doedd gan neb ddim syniad be oedd wedi digwydd. Erbyn hyn mae ychydig bach o’r manylion wedi ei gyhoeddi yn yr Echo. Y tro diwethaf i’r stryd fod yn y newyddion, roedd am resymau gwahanol iawn.
Mellt a tharanau
Cododd storm dda iawn neithiwr fel awgrym fod yr Haf yn dod yn araf bach. Wnes i ffilmio ychydig o’r storm gyda’r camera digidol bach a dyma rhai o’r mellt mwya trawiadol.