Sylwadau ar: S4/Cywasgu Digidol

Gan: Dafydd Tomos

Dafydd Tomos — Sun, 04 Oct 2009 13:51:54 +0000

Rhys: Ie, roedd fy nghwestiwn ychydig yn gellweirus. Mae yna gwestiwn arall “Oes yna unrhyw un ar ôl yn y byd datblygu gwefannau sy’n poeni am safonau techegol?” a’r ateb yw “Oes, ond mae’r pwysau gynyddol am ddatblygu pethau’n gyflymach am lai o arian yn ei wneud hi’n anodd”.

Fy ffigyrau i sydd yn y graff, wedi eu mesur o ffeiliau MPEG-2 ar fy PVR.

Gan: Rhys

Rhys — Sun, 04 Oct 2009 13:25:56 +0000

Mae hwn a dy gofnod ar gydraniad S4C yn hynod ddiddorol, diolch. Ai dy ffigurau di dy hun, neu rhai allanol, sydd gyda ti yn y graff?

Gyda llaw, i ateb dy gwestiwn Oes yna unrhyw un ar ôl yn y byd darlledu sy’n poeni am safonau technegol?, yr ateb, dybia i, yw ‘oes’. Y cwestiwn mawr yw ai ganddyn nhw mae’r gwir bwer bellach i wneud penderfyniadau ar faterion technegol…

Gan: Dafydd Tomos

Dafydd Tomos — Tue, 29 Sep 2009 15:50:18 +0000

Dim ond ar Freeview, er y bydd pwysau ar sianeli lloeren i wneud defnydd fwy ‘effeithiol’ o’r gofod cyn bo hir hefyd.

Dwi’n gwylio Freeview ar deledu plasma HD 37″, lle mae artefacts MPEG yn amlwg iawn. Mae rhai sianeli fel BBC One a Five yn edrych yn wych – y rhaglenni sy wedi ffilmio yn HD ond eu darlledu mewn SD bron cystal a HD ei hunan! (oce dim cweit os ti’n edrych yn fanwl).

Ond mae S4C nawr yn ymuno a Channel 4+1, ITV3 a BidTV. I fod yn deg mae e wedi gwella ychydig ers y 9fed o Fedi ond mae yna dal ddirywiad amlwg yn enwedig ar astons, credits a unrhyw graffeg arall.

Gan: Ian Cottrell

Ian Cottrell — Tue, 29 Sep 2009 14:15:43 +0000

Ydy hwn yn wir am Sky neu jyst Freeview? Mae gen i Sky HD a theledu HD llawn felly wrth reswm mae unrhyw newid mewn safon ar sianeli SD yn amlygu ei hun (mewn ffordd negatif). Dwi newydd fod yn gwylio ail-ddarllediadau o Wedi 7 a Ffermio p’nawn ‘ma ac i fi, mae safon y llun YN edrych yn waeth nag oedd o. Ai jyst fi ydy yn MEDDWL hyn ar ol darllen dy flog neu ydy’r un peth felly yn wir am sfon y llun ar Sky? Gyda llaw, fel rhywun sy’n gweithio i gwmni teledu, dyn ni fel cwmni heb glywed unrhywbeth gan S4/C am hwn!

Gan: Nic Dafis

Nic Dafis — Sun, 27 Sep 2009 22:43:55 +0000

Waw. Oes sôn am hyn o gwbl yn y cyfryngau? Dyma’r tro cynta i mi glywed amdano. Dw i ddim wedi gweld S4C ers 9/9/9 gan ein bod ni wedi colli’r rhan fwya o’n sianeli – angen newid cyfeiriad yr arial siwr o fod, ond dw i ddim wedi boddran mynd lan i’r atic erbyn hyn.