Gyrra dy gyfeiriad ebost i info@beanlogic.co.uk a nai weld be di’r problem. Cofia son mae er mwyn sylw Elwyn mae’r neges.

Gwytherin, yn union.

E

Cwestiwn braidd yn randym, ond wyt ti’n digwydd dod o ardal Langernyw?

Dwi’n hoff iawn o’r wefan a’r syniadau tu ol iddi. Mae Marc Boulton yn ei dylunio, felly mae ganddyn nhw un o’r rhai gorau yn y maes, a mae/bydd o’n edrych yn gret.

Pob lwc, gawn ni weld be ddigwyddith. Sgwn i os byddant yn ei hysbysebu yn y cyfryngau traddodiadol?

Dwi ddim yn gwybod sut y byddan nhw’n delio gyda tagiau amlieithog. Mi fyddai angen adeiladu map CymraegSaesneg ar gyfer enwau/tagiau, ond mae’n bosib fydd hyn yn gallu cael ei weithio allan yn otomatig o’r wybodaeth mae’r defnyddwyr yn rhoi fewn.

Mae yna wastad un (fi fel arfer), sy’n mynnu agor cyfrif ar wefan cyn iddo gael ei lawnsio’n gywir. Cefais e-bost personol gan sylfaenydd y wefan yn fy nghroesawy fel yr aelod ‘go iawn’ cyntaf. Mae rhai ‘chwilod’ gyda mewngofnodi ar hyn o bryd, od llwyddais i ychwnaegu fy nghwmni ac ysgrifennu adolygiad. Ond dwi’n methu mewngofnodi rwan i gywiro sillafu, nac ychwnaegu llun del ar fy mhroffeil ar hyn o bryd.
O ran y Gymraeg, wrth gofrestru manylion fy nghwmni, mae’n cynnig bod chi’n rhoi cyfeiriad/enw tref yn Gymraeg, gyda awgrymiad bydd modd gweld rhestr sydd ond yn arddangos rhai cwmniau sydd wedi’u cofrestru’n ‘Gymraeg’ - pwy a wyr?

(newydd sylwi bod ti di cofrestru hefyd!)

Mi fydd gwefan dwyieithog (prosiect wahanol) yn lansio cyn bo hir yn defnyddio yr union yr un wybodaeth wedi ei allforio o Croeso Cymru a rydyn ni’n disgwyl ychydig o welliannau cyn hynny yn y ffordd mae’r wybodaeth Gymraeg yn cael ei gyflwyno i ni.

Dwi’n meddwl mod i’n iawn i ddweud bod modd chwilota prif wefan (craplyd) y Bwrdd Croeso yn ôl gwestai sydd â gwasanaeth Cymraeg (y geirio yw “Cynnyrch yn Gymraeg yn unig“). Dwi ddim yn meddwl fod ticio’r blwch yn gwneud dim gwahaniaeth mewn gwirionedd!

Efallai byddai hyn yn rhywbeth gelli’r ei ychwnaegu at y wefan hon - ond un sy’n gweithio….